Bu barədə Almaniya Prezidenti Frank-Valter Ştaynmayer televiziya müraciətində bildirib Bu barədə Almaniya Prezidenti Frank-Valter Ştaynmayer televiziya müraciətində bildirib

Almaniya tarixində ən sərt karantin tətbiq olunacaq

Bu barədə Almaniya Prezidenti Frank-Valter Ştaynmayer televiziya müraciətində bildirib

Almaniyada koronavirusun yayılması ilə əlaqədar vəziyyətin son dərəcə ciddiləşməsi səbəbilə 16 dekabr tarixindən etibarən ölkə tarixində ən sərt karantin rejimi tətbiq ediləcək.

AzNews.az xəbər verir ki, bu barədə Almaniya Prezidenti Frank-Valter Ştaynmayer televiziya müraciətində bildirib.

“Hörmətli vətəndaşlar, hamımız daha da irəliləməyə ümid edirdik. Ancaq virus hələ də bizi nəzarətdə saxlayır. Buna görə də çərşənbə günündən etibarən ictimai və şəxsi həyatımız Almaniya Federativ Respublikasının tarixində olduğundan daha sərt şəkildə məhdudlaşdırılacaq. Vəziyyət ağırdır. Həftədə minlərlə ölüm və nəzarətdən çıxmaq təhdidi daşıyan bir infeksiyadan söhbət gedir. Radikal tədbirlərdən qaça bilmərik”,- deyə Prezident qeyd edib.

O bildirib ki, məhdudiyyətlər iqtisadi yaşamı təhdid etsə də, əsas məqsəd yoluxmuş insanların sayını mümkün qədər tez azaltmaq və sonra da aşağı səviyyədə saxlamaqdır.

“İndi virusa qarşı mübarizədə kritik bir mərhələyə qədəm qoymuşuq. Tibbi biliklərimiz və müalicə variantlarımız indi bir neçə ay əvvəl olduğundan daha genişdir. Əmin olmağın başqa bir səbəbi də var: ilk peyvəndlər Almaniyada dekabr ayında təsdiqlənəcək, yüzlərlə peyvənd mərkəzi yaradılıb və yeni ildən dərhal sonra kütləvi peyvəndlənmə başlayacaq. Əminəm ki, indi göstərdiyimiz məsuliyyət və daşıyacağımız yük boş yerə getməyib. Bu, bizi pandemiyanın sonuna yaxınlaşdırır”,- deyə dövlət başçısı söyləyib.

Qeyd edək ki, çərşənbə günündən Almaniyada mağazalar və apteklər istisna olmaqla hər yer bağlanacaq. Pirotexniki vasitələrin satışı qadağan olunacaq. Hökumət vətəndaşları tətil günlərində atəşfəşanlıqdan imtina etməyə çağırıb. Küçələrdə spirtli içki satışının da qadağan olunacağı bildirilib.