Səkkiz il əvvəl itkin düşən Hindistanın An-32 təyyarəsi dənizin dibində tapılıb

Səkkiz il əvvəl yoxa çıxan Hindistan Hərbi Hava Qüvvələrinə məxsus An-32 təyyarəsinin qalıqları ölkə sahillərində üç kilometrdən çox dərinlikdə sualtı qayıq tərəfindən aşkar edilib.

Bu barədə “India Today” jurnalı Hindistanın müdafiə nazirliyinə istinadən məlumat yayıb.

“Axtarış 3400 metr dərinlikdə çoxsaylı faydalı yüklərdən, o cümlədən çox şüalı sonardan, sintetik aperturalı sonardan və yüksək ayırdetməli kameradan istifadə edilməklə aparılıb. Axtarış şəkilləri diqqətlə öyrənilib və An-32 təyyarəsi ilə uyğun olduğu müəyyən edilib”, - Hindistan Müdafiə Nazirliyinin bəyanatında deyilir.

Departament əlavə edib ki, fotoşəkillər qəza yerində çəkilib və eyni ərazidə başqa təyyarələrin itməsi ilə bağlı məlumat yoxdur. MN əlavə edib ki, bu, qalıqların qəzaya uğrayan Hərbi Hava Qüvvələrinə məxsus An-32 (K-2743) təyyarəsinə aid ola biləcəyini göstərir.

Mövsüm

Aznews.az