Cenin qaçqın düşərgəsində İsrail ordusu ilə silahlılar arasında insident yaşanıb

İsrail Müdafiə Qüvvələrinin (İDF) əsgərləri ilə İordan çayının qərb sahilindəki Cenin qaçqın düşərgəsində fələstinlilərdən ibarət silahlı qrup arasında atışma olub.

Bu barədə İsrailin “Yediot Ahronot” qəzeti məlumat yayıb.

Görüntülərdə İDF maşın karvanının Cenin istiqamətində hərəkət etdiyi görünür.

“Bu gün səhər tezdən onlarla İDF və sərhəd polisi əsgərinin Cenin qaçqın düşərgəsinə daxil olması nəticəsində azı 3 mülki şəxs həlak olub, 6-sı yaralanıb”, - məlumatda deyilir.