Lukaşenko Litva hakimiyyətini dəli adlandırıb

Belarus nömrəli avtomobillərin Litvaya girişinə qadağa yalnız “nə etdiklərini bilməyən” dəlilər tərəfindən qoyula bilər.

Belarus prezidenti Aleksandr LukaşenkoLitva hakimiyyətinin qərarını belə şərh edib.

“Dəli Adamlar. Mən sizin yerinizdə olsaydım, Litva ilə bağlı bir çox məsələyə münasibət bildirməzdim. Çünki onlar özləri də nə etdiklərini bilmirlər. Bunlar dəlilərdir, əsl dəlilərdir. Yaxşı, onlar haqqında nə deyə bilərik”,- Belarus lideri BelTa agentliyinin dərc etdiyi “Rossiya” telekanalına müsahibəsində bildirib .

Lukaşenkonun sözlərinə görə, Litvada məsuliyyətli siyasətçilər olsaydı, onların əməlləri müzakirə oluna bilərdi. Amma indi ölkədə belə insanlar yoxdur, deyə o qeyd edib. Eyni zamanda, dövlət başçısı əlavə edib ki, Vilnüs qərarının iqtisadi baxımdan öz üstünlüyü var, belə ki, Belarus vətəndaşları ora pul aparmağı dayandıracaqlar.

Mövsüm

AzNews.az