Braziliyada sel və torpaq sürüşmələri nəticəsində ən az 14 nəfər ölüb

Braziliyanın cənub-şərqində, Minas Gerais əyalətinə bağlı Juiz de Fora şəhərində şiddətli yağışların yaratdığı sel və torpaq sürüşmələri nəticəsində ən az 14 nəfər həyatını itirib.

Yağışların güclənməsindən sonra baş verən fəlakət zamanı çox sayda ev və iş yeri sular altında qalıb. Rəsmi məlumatlara görə, aparılan intensiv axtarış-xilasetmə əməliyyatları nəticəsində 9 nəfər sağ olaraq xilas edilib.

Hələ də itkin düşmüş 17 nəfərin axtarışı fasiləsiz davam edir və xilas olunan şəxslərə hadisə yerində psixoloji dəstək göstərilib.

440 nəfər müvəqqəti sığınacaqlara yerləşdirilib

Sel səbəbindən evlərini tərk etmək məcburiyyətində qalan 440 nəfər idman zalları və məktəblərdən yaradılan müvəqqəti sığınacaqlara yerləşdirilib. Şəhər üzrə ziyan qiymətləndirmə işləri başa çatdırılır.

Juiz de Fora Bələdiyyəsi sel və torpaq sürüşmələri səbəbindən şəhərdə fövqəladə vəziyyət elan edildiyini bildirib. Bildirişdə federal və əyalət qurumlarının dəstək üçün bölgəyə çağırıldığı qeyd olunub.

Mövsüm,

AzNews.az