Plintus səviyyəsidi bu, dabanaltılıqdı etdiyiniz! -Mirşahin

"Əslində fikir verməməliydim. Düşünürdüm ki, adımdan yayılan ”paylaşım”ın saxta olduğunu yalnız avam və əbləhlər qanmaz. Amma özünü ciddi sayan bəzi düşük-dəmdəməkilər də Məhəmmədəli Mirzə adlı sosial tör-töküntüyə məxsus resurslarda yayılan bir yalanı tirajlayıb və məni məqsədli şəkildə təhqir hədəfinə çeviriblər. Baxmayaraq ki, insan nə qədər əyyaş və sarsaq olsa da, beyin nə qədər peyin olsa da adımdan yazılan o sözlərin mənə məxsus olmadığını anlamağa, guya “sosial şəbəkələri bağlatmaq üçün” müraciət etməyim barədə yayılanların iftira olduğunu başa düşməyə yarayar"!

AzNews.az xəbər verir ki, bu barədə tanınmış telejurnalist Mirşahin Ağayev öz sosial şəbəkə profilində açıqlama verib. Mirşahin daha sonra yazıb:

"Sosial şəbəkələrdə özünü nəsə, kimsə hesab edən kompleksli zavallılardan fərqli olaraq mən psevdoad, psevdoləqəb arxasında gizlənmir, davamı açıq aparıram! Adımdan “paylaşım” edən fərari internet gədələri də, onu Azərbaycanda mənim adımın kölgəsində yatan küçə canlılarına ötürənlər də, bununla öz aləmlərində guya mənimlə mübarizə aparan əskidənqalma materiyalar da yaxşı başa düşürlər ki, çeçələ barmağımın gücündə belə deyillər. Üzü mənə sarı tüpürənlər, duşunuz mübarək! Həmişə “təmizlikdə”!-deyib keçirəm bu dəfə də! Amma vallah! sadəcə murdarçılıq edirsiniz!(( Yazıçılıq deyil sizinki, yazıqçılıqdı! Vay halınıza! Plintus səviyyəsidi bu, dabanaltılıqdı etdiyiniz! Vaxtımı almayın, imkan verin, Vətənimizi, Dövlətimizi, həm də Sizin analarınızın, bacılarınızın, qızlarınızın namusunu, ismətini, adını-babalarınızın, atalarınızın şərəfini, ləyaqətuni, gorlarını qoruyaq"!

AzNews.az