Türkiyənin Müdafiə naziri Hulusi Akar: "Bu gün doğma torpaqlarını qoruyan azərbaycanlı qardaşlarımızın yanındayıq" Türkiyənin Müdafiə naziri Hulusi Akar: "Bu gün doğma torpaqlarını qoruyan azərbaycanlı qardaşlarımızın yanındayıq"

"Atəşkəs istəyənlər Xocalıda minlərlə günahsız insan vəhşicəsinə qətlə yetirilərkən harada idilər?"

Türkiyənin Müdafiə naziri Hulusi Akar: "Bu gün doğma torpaqlarını qoruyan azərbaycanlı qardaşlarımızın yanındayıq"

"Ermənistan hücumları dərhal dayandırmalı, xaricdən gətirdiyi muzdluları, terrorçuları geri göndərməlidir".

AzNews.az xəbər verir ki, bunu Türkiyənin Müdafiə naziri Hulusi Akar söyləyib.

H. Akar Türkiyə ilə Azərbaycan arasındakı münasibətlərin “bir millət, iki dövlət” prinsipinə əsaslandığını vurğulayıb:

"Sülh yolu ilə həllə çağırış edənlər, “dərhal atəşkəs” istəyənlər, dialoqu indi xatırlayanlar, Azərbaycan ərazisinin 20 faizinin o cümlədən Dağlıq Qarabağ ilə altında olarkən, Xocalıda minlərlə günahsız insan vəhşicəsinə, haqq-hüquq tanımadan uşaq, qadın və yaşlı demədən qətlə yetirilərkən, 30 ildir milyonlarla insanın evindən, yurdundan didərgin düşərkən harada idilər? Türkiyə ilə Azərbaycan arasındakı münasibətlər “bir millət, iki dövlət” prinsipinə əsaslanır. Kədərdə də, sevincdə də daim bərabərik. Bu gün doğma torpaqlarını qorumaqda azərbaycanlı qardaşlarımızın yanındayıq. Ermənistan dərhal hücumları dayandırmalı, xaricdən gətirtdiyi muzdluları, terrorçuları geri göndərməli və Azərbaycanın işğal edilmiş torpaqlarını boşaltmalıdır. Beləliklə, atəşkəs, sülh və sabitlik təmin edilməlidir”.