Amnistiya aktı 15 mindən çox şəxs barəsində tətbiq edilib.
AzNews.az xəbər verir ki, Bu barədə Ədliyyə Nazirliyindən məlumat verilib.
Amnistiya tətbiq olunan şəxslərin 5 148-i müəyyən müddətə azadlıqdan məhrumetmə, 8 914-ü isə azadlıqdan məhrumetmə ilə əlaqədar olmayan cəzalardan azad edilib. Bundan əlavə, azadlıqdan məhrumetmə cəzasına məhkum edilmiş 1 045 nəfərin cəzası 6 ay azaldılıb. 12 nəfər isə cinayət məsuliyyətindən azad edilib (ədliyyə orqanlarının istintaq aidiyyəti üzrə).
Cəzaçəkmə müəssisələrində cəza çəkən şəxslərdən Vətən müharibəsində iştirak etdiyinə görə 15 nəfər və qərar qüvvəyə mindiyi günədək 60 yaşına çatdığına görə 15 nəfər də cəzadan azad edilənlər arasında yer alıb.
Amnistiya tətbiq olunmuş şəxslərdən 1 216-sı böyük ictimai təhlükə törətməyən, 13 054-ü az ağır, 849-u ağır cinayətlər törətmiş şəxslərdir. Ümumilikdə amnistiya tətbiq olunmuş şəxslərdən 14 345-i kişi (onlardan 18-i yetkinlik yaşına çatmayan şəxslərdir), 774-ü isə qadındır.
Amnistiya aktının icrası davam etdirilir.
AzNews.az