Britaniya XİN Gürcüstana bütün yardım proqramlarının dayandırıldığını açıqlayıb

Böyük Britaniyanın xarici işlər naziri David Lammy bildirib ki, ölkə Gürcüstan hökuməti ilə dəstəyini və əlaqəsini azaldacaq.

Müvafiq bəyanatı Britaniya Xarici İşlər Nazirliyi yayıb.

Departamentin rəsmi saytında Lammy deyib: “Gürcüstan hakimiyyətinin etirazçılara və jurnalistlərə qarşı zorakılıq səhnələri qəbuledilməzdir və dayandırılmalıdır”.

O, həmçinin əlavə edib ki, bu cür hərəkətlər “Gürcüstanın beynəlxalq nüfuzuna kölgə salır” və ölkənin Avropa gələcəyinə dair konstitusiya öhdəliyinə ziddir.

Mövsüm

Aznews.az