ABŞ səfirliyi: 1999-cu ildən bəri minalarla mübarizə üçün Azərbaycana təxminən 38 milyon dollar ayrılıb

1999-cu ildən bəri ABŞ minalarla mübarizəyə yönləndirilmiş humanitar proqramlarını dəstəkləmək üçün Azərbaycana təxminən 38 milyon dollar ayırıb.

"Aznews.az" xəbər verir ki, bu barədə ABŞ-nin Azərbaycandakı səfirliyinin "X" hesabında paylaşım edilib.

Səfirlik Azərbaycan Minatəmizləmə Agentliyini (ANAMA) 26-cı ildönümü münasibətilə təbrik edib:

"26-cı ildönümünüz mübarək və tərəfdaşlığınıza görə təşəkkür edirik! Birgə işimiz minalardan və partlamamış hərbi sursatlardan zərər çəkmiş icmalara real fayda gətirir".