Azərbaycanın 3 universiteti beynəlxalq reytinq cədvəlində - VİDEO

Azərbaycanın 3 ali təhsil müəssisəsi Ümumdünya universitetləri reytinq təşkilatının siyahısında yer alıb.

AzNews.az-ın ans-ə istinadən məlumatına görə, bu açıqlamanı təşkilatın Mərkəzi Asiya region üzrə direktoru Zoya Zaytseva bu gün İqtisad unveristetində keçirilən görüşdə verib.

Dünya unveristetlərinin reytinq təqdimatını edən, Zaytseva 1990 cı ildə təsisi edilən təşkilatın yeni reytinq cədvəlini açıqlayıb. Bu dəfə cədvəldə Şərqi Avropanın ali təhsil ocaqları ilə yanaşı keçmiş sovet respublikalarının da universitetləri qərarlaşıb. Reytinq cədvəlində ölkəmizi BDU, Xəzər və Qafqaz universitetləri təmsil edir.

"Reytinqlər dinamik sistemdir. Universitetlər bir illik göstəricilərinə, əldə etdikləri uğurlara görə seçilir. Məsələn, 2013-cü ildə yaxşı hesab edilən ali təhsil müəssisəsi 2015-ci ildə yaxşı sayıla bilməz", - Zaytseva bildirdi.