Dövlət Komitəsinə daha bir vəzifə

Ümumi istifadədə olan respublika və yerli əhəmiyyətli avtomobil yollarının adları dəyişdirildikdə 3 gün müddətində ünvan reyestrində müvafiq dəyişikliklərin edilməsi bundan sonra Əmlak Məsələləri Dövlət Komitəsi tərəfindən həyata keçiriləcək.

Bu, baş nazir Artur Rəsizadənin imzaladığı "Azərbaycan Respublikasında avtomobil yollarının təsnifat göstəriciləri"nin və "Ümumi istifadədə olan avtomobil yollarının adlandırılması, indeksasiyası və qeydiyyata alınması Qaydaları"na dəyişiklikdən sonra mümkün olub.

Qərar "Azərbaycan Respublikasında ünvan reyestrinin aparılması və daşınmaz əmlak obyektlərinə ünvan verilməsi Qaydaları"nda dəyişikliklər edilməsi barədə" Prezident Fərmanının icrasını təmin etmək məqsədi daşıyır.

Elnarə Əlosmanqızı
AzNews.az