- Köhnə - Cəmiyyət
- 6 Aprel 2016 15:32
- 5 363
Hava limanında təhlükəsizlik tədbirləri gücləndirildi
Heydər Əliyev adına aeroportda təhlükəsizlik tədbirləri gücləndirilib.
Bunu jurnalistlərə "Azərbaycan Hava Yolları" QSC-nin (AZAL) vitse-prezidenti Arif Məmmədov bildirib.
"Brüssel aeroportunda terror aktının törədilməsindən sonra Azərbaycanda hansı təhlükəsizlik tədbirləri görülüb" sualına cavab verən vitse-prezident bunu bildirib: "Əməliyyat planına uyğun olaraq Heydər Əliyev adına aeroportda təhlükəsizlik tədbirləri gücləndirilib. Təbii ki, hava limanının ərazisində daxil olarkən bəzi narahatlıqlar ola bilər. Lakin nəzərə almaq lazımdır ki, bunlar sərnişinlərin təhlükəsizliyi ilə əlaqədardır".
APA.az