- Köhnə - Cəmiyyət
- 25 Yanvar 2013 12:34
- 3 213
Polisləri də TQDK seçəcək
![](https://www.aznews.az/storage/photos/pppolis.jpg)
Daxili işlər orqanlarına qəbul imtahanları Məleykə Abbaszadəyə tapşırılır
Daxili işlər orqanlarına qəbul imtahanlarını Tələbə Qəbulu üzrə Dövlət Komissiyası (TQDK) keçirəcək. Daxili İşlər Nazirliyinin mətbuat xidmətindən APA-ya verilən məlumata görə, orta rəis heyəti vəzifələrində xidmətə qəbul üzrə test imtahanları TQDK tərəfindən 8 fevral 2013-cü ildə Bakı Qızlar Universitetinin Bakı şəhəri, M.Sənani küçəsi, ev 14 ünvanında yerləşən binasında keçiriləcək.
Namizədlər imtahan günü saat 9.00-da "Namizədin buraxılış vəsiqəsi" və şəxsiyyətlərini təsdiq edən sənədlə birlikdə göstərilən ünvanda olmalıdırlar.
Əlavə məlumat almaq üçün Daxili İşlər Nazirliyinin Baş Kadrlar İdarəsi ilə (012) 590-92-54 nömrəli telefon vasitəsilə əlaqə saxlamaq olar.