“İçkiliydim, maşını qoydum qaçdım” - Avtomobil oğrusu saxlanıldı

Sabunçu Rayon Polis İdarəsi 12-ci Polis Bölməsi əməkdaşları Cəmilova məxsus avtomobili qaçırmaqda şübhəli bilinən paytaxt sakini Elşən Bağırovu saxlayaraq istintaqa təhvil veriblər.

ARB TV xəbər verir ki, məlumata əsasən, o, daha öncə Sabunçu rayonu ərazisində yol polisi tərəfindən saxlanılıb, ancaq maşını orada qoyaraq qaçıb.

Saxlanılan şəxs ifadəsi zamanı nəqliyyat vasitəsini sürmək məqsədi ilə qaçırdığını deyib.

Elşən Bağırov - Saxlanılan şəxs: “Maşını işə saldım, içkiliydim. Xeyli sürdüm, polis işçiləri arxamca düşdü. Maşını qoydum qaçdım”.

Faktla bağlı cinayət işi başlanılıb, araşdırmalar davam etdirilir.

AzNews.az