RF Ədliyyə Nazirliyindən Lapşinlə bağlı - Açıqlama

Rusiya Ədliyyə Nazirliyi bəyan edib ki, Azərbaycanda həbs edilərək 3 il azadlıqdan məhrum edilən Aleksandr Lapşin Rusiyaya ekstradisiyası ilə bağlı müraciət edərsə buna təşəbbüs göstərəcək.

AzNews.az xəbər verir ki, Rusiya Ədliyyə Nazirliyinin mətbuat katibliyindən bildirilib ki, Aleksandr Lapşin ərizə ilə müraciət edərsə, RF Ədliyyə Nazirliyi Azərbaycan Ədliyyə Nazirliyi qarşısında məhkumun 1998-ci il konvensiyasının müddəalarına uyğun olaraq ekstradisiyası ilə bağlı təşəbbüslə çıxış edəcək.