Bərdədə mənzildən külli miqdarda pul oğurladılar

Bərdə rayonunda oğurluq hadisəsi baş verib.

AzNews.az Report-a istinadən xəbər verir ki, hadisə rayonun Gərənə kəndində, məcburi köçkünlərin məskunlaşdığı şəhərcikdə qeydə alınıb.

Bеşmərtəbəli binanın dördüncü mərtəbəsində yaşayan Ağdam rayon sakini Vahid Məmmədova məxsus mənzildən naməlum şəxs və yaxud da, şəxslər 5 min manat pul oğurlayıblar. Ev sahibinin verdiyi məlumata görə, hadisə vaxtı ailə üzvləri mənzildə olmayıblar.

Faktla bağlı rayon Polis şöbəsində əməliyyat-axtarış tədbirləri həyata keçirilir.