Azərbaycanlı yazarın kitabı ABŞ-da çap olundu - Foto

Yazar Sevinc Səfərovanın “Günah” romanı “Sin” adı ilə Amerikada çap edilib.

Bu barədə AzNews.az-a yazar özü məlumat verib. Onun sözlərinə görə, kitabın çap müddəti bir neçə ay çəkib. Artıq “Xlibris Publish” kampaniyası kitabın satışına başlayıb, bununla bağlı elanı saytlarında yerləşdirib.

Böyük hədəflərinin olduğunu deyən S.Səfərova, bu romanın senarisinə uyğun tammetrajlı film çəkməyi də planlaşdırır. Əsas hədəfi isə “Oscar” mükafatını Azərbaycana gətirməkdir.

Qeyd edək ki, Amerikada satışa çıxarılan “Sin” kitabına tanınmış detektiv yazar Çingiz Adullayev rəy bildirib. Bundan başqa, dünyaca məşhur rejissor və senarist Ünal Küpeli “Sin” kitabına ön söz yazıb. Kitabın tərcüməsi isə Leyla Cəfərovaya məxsusdur.