“Qaynar xətt”ə 100-ə yaxın müraciət daxil olub - MSK açıqladı

Azərbaycanda prezident seçkiləri ilə əlaqədar keçirilən səsvermədə Mərkəzi Seçki Komissiyasının 115 saylı “Qaynar xətti”nə daxil olan müraciətlərin sayı açıqlanıb.

MSK-nın Media və ictimai əlaqələr şöbəsindən AzNews.az-a verilən məlumata görə, səsvermə başlayan andan - saat 08:00-dan saat 15:00-dək “Qaynar xətt”ə 100-ə yaxın müraciət daxil olub. Bildirilib ki, bunlar sorğu xarakterlidir, “Qaynar xətt”ə şikayət xarakterli məlumat daxil olmayıb.