Boşanmış qadın ölümlə hədələnir - Bakıda

Bakıda ərindən boşanan qadın keçmiş əri tərəfindən ölümlə təhdid edilir. 36 yaşlı qadın bu barədə özü "Təmiz dünya" İctimai Birliyinə müraciətdə bildirib. Qadın qeyd edib ki, evdə mütəmadi olaraq zorakılığa məruz qaldığından rəsmi qaydada həyat yoldaşından ayrılıb.

2 övlad ilə birlikdə yaşayan qadın daha sonralar keçmiş əri tərəfindən təhdidlərə məruz qalıb: "Qadın öz ərizəsində bildirib ki, keçmiş həyat yoldaşı onu tez-tez təhdid edərək, öldürəcəyi ilə hədələyir. Buna səbəb isə qadının ondan boşanmasını göstərir".

Hazırda "Təmiz dünya"nın hüquqşünasları qadının təhlükəsizliyinin təmin edilməsi üçün müvafiq qurumlara müraciət edilməsi üzərində işləyir.

Elnarə
AzNews.az