- Köhnə - Cəmiyyət
- 1 May 2014 15:20
- 5 304
Prezident Ağdaşda maşın sürdü
![](https://www.aznews.az/storage/photos/72133ilham eydf.jpg)
Prezident İlham Əliyevin sərəncam və göstərişlərinə əsasən indi diqqət regionlarda kənd və qəsəbələri, həmçinin yaşayış məntəqələrini birləşdirən daxili yolların təmirinə yönəldilib. Bu tədbirlər iqtisadiyyatımızın getdikcə güclənməsinin göstəricisi olmaqla yanaşı, dövlətimizin ölkənin istənilən nöqtəsində yaşayan vətəndaşlara göstərdiyi qayğı və diqqəti əks etdirir. Bu proses Ağdaş rayonunda da geniş vüsət alıb. Rayondakı Ləki-Pirəzə-Xınaxlı avtomobil yolu tamamilə yenidən qurulub.
Dövlət başçısı yolun texniki göstəricilərini əks etdirən stendə baxıb.
Məlumat verilib ki, uzunluğu 34 kilometr olan avtomobil yolunun əsaslı yenidən qurulmasına ötən ilin iyununda başlanılıb. Ləki-Pirəzə-Xınaxlı avtomobil yolu 11 yaşayış məntəqəsini birləşdirir və ümumilikdə, 20 mindən çox əhaliyə xidmət göstərəcək. Azərbaycan Prezidenti yolun rəmzi açılışını bildirən lenti kəsib, yeni yolda avtomobili idarə edib.
Sonra Prezident İlham Əliyev sakinlərlə görüşüb.
Sakinlər dövlət başçısına minnətdarlıqlarını çatdırıblar. Sonda xatirə şəkli çəkdirilib.
AzNews.az