NASA Ayda “Wi-Fi” quraşdıracaq

NASA yunan tanrısı "Artemis"in adını daşıyan kəşfiyyat missiyası çərçivəsində 2024-cü ilədək bir kişi və bir qadın kosmonavtı ayın səthinə göndərməyi planlaşdırır

2024 cü ildə aya yenidən getməyi planlayan ABŞ-ın Milli Aerokosmos Agentliyi (NASA) çox danışılacaq bir layihə ilə gündəmdədir.

AzNews.az xəbər verir ki, qurum ayı “Wi-Fi” rabitəsilə təmin etmək üçün fəaliyyətə başlayıb.

Bununla agentlik həm “Artemis” missiyalarını internetlə təmin etmək, həm də ABŞ-ın bəzi bölgələrindəki internet problemini həll etmək niyyətindədir.

Qeyd edək ki, NASA yunan tanrısı "Artemis"in adını daşıyan kəşfiyyat missiyası çərçivəsində 2024-cü ilədək bir kişi və bir qadın kosmonavtı ayın səthinə göndərməyi planlaşdırır. 2028-ci ilə qədər davam etməsi planlaşdırılan ekspedisiyalardan sonra ayı orbitində kosmik stansiya qurmaq və buradan bir pillə olaraq istifadə edərək Marsa ekspedisiyalar təşkil etməyin mümkünlüyü araşdırılır.

Lamiyə Əliyeva