Ermənistan təyyarələrinə bu ölkələr üzərindən uçuş qadağan edildi

Avropa İttifaqının ilk belə “qara siyahısı” 2006-cı ildə tərtib olunub

Avropa Komissiyası Ermənistan aviaşirkətlərinə məxsus təyyarələrin Avropa İttifaqına üzv olan ölkələrin ərazisi üzərindən bütün uçuşlarını qadağan edib.

Bunu Avropa İttifaqının Avropa üzrə nəqliyyat komissarı Adina Valean bildirib.

Avropa Komissiyasının “qara siyahısı"na Ermənistanın “Aircompany Armenia”, “Armenia Airways”, “Armenian Helicopters”, “Atlantis Armenian Airlines”, “Atlantis European Airways”, “Mars Avia” və “Skyball” şirkətləri daxil edilib.

Qadağa şirkətlərin beynəlxalq təhlükəsizlik üzrə standartlara uyğun fəaliyyət göstərmədikləri üçün tətbiq olunub.

Hazırda bu siyahıda dünyanın müxtəlif ölkələrinin yüzə yaxın aviaşirkətinin adı var. Bildirilib ki, Avropa İttifaqının ilk belə “qara siyahısı” 2006-cı ildə tərtib olunub. Həmin dövrdə siyahıya əsasən Afrika ölkələrinin 90-dan artıq aviaşirkətinin adı salınıb. Bunlar Konqo Demokratik Respublikası, Ekvatorial Qvineya, Liberiya və Sudana məxsus şirkətlərdir. Siyahı ildə iki dəfə Avropa İttiifaqındakı hava limanlarında aviaşirkətlərin təyyarərlərinə baxış zamanı aşkarlanan nasazlıqlar və çatışmazlıqlara əsasən yenilənir. (Report)

AzNews.az