- Mədəni adam
- 22 Oktyabr 2018 11:59
- 913
YARAT-da “İlahi düzən”
Filmin təqdimatı olacaq
Oktyabrın 25-də YARAT Film Klub çərçivəsində “İlahi düzən” filminin təqdimatı keçiriləcək.
AzNews.az xəbər verir ki, YARAT Müasir İncəsənət Məkanı təqdimatı İsveçrənin Azərbaycandakı Səfirliyi ilə birgə keçirir.
“İlahi düzən” 2017-ci ildə istehsal olunmuş komediya-dram filmidir və Tribeka Film Festivalında ən yaxşı bədii film kimi “Tamaşaçı rəğbəti” mükafatını qazanıb.
Petra Volpedirtin rejissoru olduğu filmin süjeti 1970-ci ildə İsveçrədə cərəyan edir. Ekran əsəri evdar qadın Noranın yaşadığı kiçik qəsəbədə dəyişikliklər edən xanıma çevrilməsindən bəhs edir. Maneələrə baxmayaraq Nora status-kvonu, o dövrün köhnəlmiş baxışları ilə birlikdə aradan qaldıraraq qəhrəmana çevrilir.
“İlahi düzən” İsveçrə almancasında, ingilis dilində subtitrlərlə nümayiş olunacaq.
Film 19:30-da nümayiş olunacaq. Giriş sərbəstdir.
AzNews.az