Portuqaliyanın sabiq prezidenti 92 yaşında vəfat etdi

Portuqaliyanın sabiq prezidenti və Baş naziri Mariu Suariş bu gün 92 yaşında vəfat edib.

AzNews.az France-Press agentliyinə istinadən xəbər verir ki, Suariş dekabr ayında xəstəxanaya yerləşdirilmişdi və dərin koma vəziyyətində idi.

Portuqaliya Sosialist Partiyasının qurucusu Mariu Suariş iki dəfə Baş nazir vəzifəsində işləyib, 1986-cı ildən 1996-cı ilədək ölkənin Prezidenti olub. Dövlət başçısı vəzifəsindən getdikdən sonra o, 1999-2004-cü illərdə Portuqaliyanı Avropa Parlamentində təmsil edib. 2006-cı ildə sosialistlər tərəfindən yenidən prezidentliyə namizədliyi irəli sürülsə də, lakin seçkilərdə uduzub.