Obama Kapitolini belə tərk etdi - Foto

Barak Obama inaqurasiya mərasimindən sonra Trampla vidalaşaraq Kapitolinin binasını həyat yoldaşı Mişellə birlikdə tərk edib.

AzNews.az xarici KİV-ə istinadən xəbər verir ki, Obama onun üçün nəzərdə tutulmuş xüsusi vertolyota minərək son nitqini söyləmək üçün Vaşinqton yaxınlığında yerləşən Endryus hərbi hava bazasına yollanıb.

Daha sonra Obama sonuncu dəfə nömrə bir prezident bortundan istifadə edərək Kaliforniyaya məzuniyyətə yollanacaq.

Obama daha bir il Vaşiqtonda yaşamağı planlaşdırır. Ta ki, qızı Saşa orta məktəbi bitirənə qədər.