Gürcüstan uşaq ansamblının üzvlərini daşıyan avtobus Türkiyədə qəzaya düşdü - 38 yaralı

Gürcüstandan Bolqarıstana gedən avtobus Türkiyə ərazisində qəzaya düşüb.

AzNews.az Trend-ə istinadən xəbər verir ki, Türkiyənin Girəsun şəhərinin yaxınlığında Gürcüstandan olan "Lampberi" uşaq ansamblını daşıyan avtobus qəza törədib.

qəza nəticəsində 38 nəfər xəsarət alıb. Xəsarət alanlar şəhərin bir neçə xəstəxanasına yerləşdirilib.

Məlumata əsasən, qəza avtobusun təkərinin partlaması nəticəsində baş verib.