Göz yaşı ilə elektrik cərəyanı hasil ediləcək - Tədqiqat

İrlandiyanın Limerik Universitetinin alimləri elektrik enerjisi hasilatının çox maraqlı üsulunu tapıblar.

AzNews.az Azərtac-a istinadla xəbər verir ki, tədqiqatçıların sözlərinə görə, bu metodikanın əsas komponenti insanın göz yaşları ola bilər.

Mütəxəssislər lizosim fermentinin pyezoelektrik xassələrinin öyrənilməsi əsasında belə nəticəyə gəliblər. Tədqiqat müəllifləri bu maddələrin kristallarını şüşələrin arasında yerləşdirərək alınmış elektrik gücünü ölçüblər. Nəticədə təsdiq edilib ki, göz yaşlarında, süddə, məməlilərin ağız suyunda, həmçinin yumurta zülallarında külli miqdarda bu ferment var.