“YouTube”də hekayələr dövrü başladı

Şirkətin Reels adlandırdığı hekayələr xüsusiyyəti “YouTube”yə rəng qatacaq.

AzNews.az xəbər verir ki, "YouTube" Reels adlı yeni xidmət istifadəyə verir. İndi istifadəçilər öz hekayələrini "YouTube"də Reels ilə paylaşa biləcəklər. Hekayələr tətbiqin ön hissəsində deyil, yeni bir səhifədə görünəcək.

Şirkət bildirib ki, "YouTube"dəki Reels ilə istifadəçilər özlərini daha rahat ifadə edəcək və video çəkmədən öz azarkeşləri ilə qarşılıqlı əlaqə yarada biləcəklər. Bunun əvəzinə yaradıcılar 30 saniyəyə qədər bir neçə sürətli video çəkərək, yeni "YouTube" altyazıları daxil olmaqla, filtrlər, musiqi parçaları və mətnlər əlavə edərək yeni hekayələr yarada biləcəklər. Digər platformalarda olan hekayələrdən fərqli olaraq, YouTube-da videolar tamamilə daimi olacaq. İlk olaraq Reels 10 min və daha çox abunəçisi olan kanallara açılacaq. İstifadəçilər Reelsi bəyənərsə, YouTube bunları daha çox görmək istədiyiniz bir işarə kimi qəbul edəcək. Reels xüsusiyyətinə görə hər hansı ödənişin olacağı məlum deyil. Video yükləndikdə təqibçiyə məlumat veriləcək.