Rusiya prezidenti Vladimir Putin ötən axşam Sankt-Peterburq şəhərində mağazada baş verən partlayışı terror aktı adlandırıb.
AzNews.az rus mətbuatına istinadən xəbər verir ki, ən son məlumatlara görə, partlayış nəticəsində 13 nəfər yaralanıb.
Qeyd edək ki, ötən axşam Sankt-Peterburqda supermarketlərin birində evdə hazırlanmış bomba partladılıb. Təhqiqat Komitəsinin sözçüsü Svetlana Petrenko açıqladığı bəyanatda bildirib:
“İlkin informasiyaya görə, mağazada müəyyən edilməmiş əşya partlayıb. Partlayışa metal parçalardan evdə hazırlanmış bomba səbəb olub. Bombanın gücü trotil ekvivalentində 200 qram olub".
Səhiyyə orqanlarının rəsmilərinin bildirdiyinə görə, yaralananların heç birinin həyatı üçün təhlükə yoxdur.