Peterburqda mağazada partlayış törədən şəxs saxlanılıb

Rusiyanın Federal Təhlükəsizlik Bürosu (FTB) Sankt-Peterburqdakı mağazalardan birində partlayış törətmiş şəxsi saxlayıb.

AzNews.az rus mətbuatına istinadən xəbər verir ki, bu barədə FTB məlumat yayıb.

"Rusiya FTB tərəfindən 30 dekabr 2017-ci il tarixində aparılan əməliyyat-axtarış tədbirləri zamanı dekabrın 27-də Sankt-Peterburq şəhərində "Perekryostok" mağazasının ticarət zalında törədilmiş partlayışın bilavasitə təşkilatçı və icraçısı saxlanılıb", — deyə məlumatda bildirilir.