İsrail qırıcıları Suriya ordusunun mövqelərini bombaladı

İsrail aviasiyası Suriya ordusunun Qolan yüksəkliyindəki mövqelərini atəşə tutub.

APA-nın məlumatına görə, bu barədə TASS agentliyi “Əl-Mayədin” telekanalına istinadən xəbər verib.

Bundan əvvəl Qolan yüksəkliyində İsrail hərbçilərinin nəzarətindəki ərazi Suriya istiqamətindən atəşə tutulub.

İsrail Müdafiə ordusunun yaydığı açıqlamada bildirilir ki, İranın "Əl-Qüds" qüvvələri tərəfindən əraziyə 20-dək raket buraxılıb, raketlərin əksəriyyəti vurulub. İlkin məlumata əsasən, hadisə nəticəsində ölən və yaralanan olmayıb.

AzNews.az