Daşqınlar Vyetnama 20 milyon dollarlıq ziyan vurdu

Vyetnamın şimal-qərbində bir həftəyə yaxın davam edən daşqınlar azı 22 nəfərin həyatına son qoyub.

Trend-in məlumatına görə, daha 9 nəfər itkin düşmüş hesab edilir.

Daşqınlar bir neçə əyalətdə 1,5 min yaşayış evini dağıdıb, 1,2 min hektardan çox əkin sahəsini məhv edib. 6 mindən çox ev quşu və mal-qara tələf olub.

Qeyd olunur ki, daşqınlar nəticəsində bölgəyə təxminən 20 milyon dollar ziyan dəyib.

AzNews.az