Bu heyvanların sayı kəskin şəkildə azalıb

Alimlər son 30 ildə kral pinqvinlərinin sayında kəskin azalma olduğunu bildiriblər.

AZƏRTAC “Anadolu” agentliyinə istinadla xəbər verir ki, "Antarctic Science" jurnalında dərc olunan araşdırmanın nəticələrinə görə, Hind okeanının cənubunda Fransaya aid “Cochons” adasında yaşayan dünyanın ən böyük kral pinqvinlərinin sayı 1980-ci illərdən indiyə kimi 88 faiz azalıb.

Adada 2015-2017-ci illərdə havadan və peykdən aparılan monitorinqlərdə 60 min pinqvin cütlüyünün mövcudluğu aşkar edilib. 1980-ci illərdə keçirilən başqa bir tədqiqatda isə təxminən 500 min pinqvin cütlüyünə rast gəlindiyi bildirilib.

AzNews.az