Bu şəhərdə çoban salatı 50 dollardır

Amerikan məşhur "Mercer" şirkətinin araşdırmasına görə, Angolanın paytaxtı Luanda dünyanın ən bahalı şəhəridir. Bu şəhərdəki qiymətlər hamını təəccübləndirir. Luandada bir hamburqer 18 dollar, çoban salatı 50 dollar, aylıq mənzil kirayəsi 6500 dollardır.

Dünyanın 214 şəhərində aparılan araşdırmaların nəticəsinə görə, bu sırada ikinci yeri Moskva, üçüncü yeri isə Tokio tutub. Bahalı şəhərlərin onluğunda İsveçrənin də 3 şəhəri yer alır.

Araşdırmaya görə, Moskvada bir fincan qəhvə 8 dollar 29 sent, Londonda bir kino bileti 20 dollardır.

Elnarə
AzNews.az