- Köhnə - Dünya
- 6 Sentyabr 2013 17:50
- 1 812
"Mənim balamı niyə aparırsınız?" -Foto
Videoda sosial təminat xidmətinin əməkdaşları 6 saatlıq körpəni anasının əlindən alırlar.
Milli.Az Daily Mail-ə istinadən bildirir ki, hadisə Britaniyanın Staffordşir qraflığındakı Manbi şəhərində yaşanıb.
Şəhərin sosial təminat xidmətinin iki əməkdaşı polis zabitinin müşayiəti ilə bir mənzilə daxil olublar. Burada onlar, 6 saat əvvəl doğulmuş körpəni anasının əlindən alırlar.
36 yaşlı ana eşitdiyinə ilk-əvvəl inanmır.
"Balamı aparırsınız?! Niyə? Nə üçün?" deyən anaya "Siz valideyn hüququndan məhrum edilibsiniz. Uşaq sığınacağa veriləcək" cavabı verilir.
Bu sözləri eşidəndə ana hönkürür, qışqırır, nalə çəkir: "Yalvarıram, aparmayın!" O, uşağı vermək istəməsə də, olaya polis müdaxilə edir və körpəni anasından alır.
Manbi sakini olan qadın övladını evdə doğmuşdu.
4 övlad anası olan qadının beşinci övladı olan bu körpənin atası mobil telefonla baş verənləri çəkmişdi.
Sonradan polislər bu videonun sosial şəbəkələrdən yığışdırılmasını tələb etsələr də, ata qulaq asmamış və 6 həftəlik həbs cəzası almışdı.
Manbi şəhər bələdiyyəsi isə bildirib ki, bu yoxsul, övladlarına normal baxa bilməyən ərlə arvadın 3 uşağı artıq əllərindən alınaraq sğınacaqlara verilib.
Uşaqların atasının dediyinə görə, keçən 7 il ərzində ailələrində problem olmayıb.
"Lakin son vaxtlar onun davranışında kəskin dəyişikliklər oldu. Arvadım depressiyaya qapılmışdı. Sosial xidmətin işçiləri də bunu bəhanə edərək uşağımızı əlimizdən aldılar", - ata deyib.
AzNews.az