Hollandiya Rusiyanı məhkəməyə verdi

Hollandiya aralarında türk fəal Sir Akhanın da olduğu "Greenpeace" gəmisinin 30 üzvünü hələ də həbsxanada saxlayan Rusiyanı məhkəməyə verməyə hazırlaşır.

AzNews.az-ın Türkiyə mətbuatına istinadən verdiyi xəbərə görə, Amsterdam rəhbərliyi Beynəlxalq Dəniz Hüququ Məhkəməsindən Rusiyadan bütün "Greenpeace" üzvlərini dərhal sərbəst buraxılmağı tələb edib.

Hollandiya rəhbərliyinin məhkəməyə müraciətinin səbəbi məhbuslar arasında iki vətəndaşının olması və "Greenpeace" gəmisinin Hollandiya bayrağı altında üzməsi olub.

Rusiyanın isə məhkəmə prosesində iştirak etməyəcəyi bildirilir.

Rəhim Qədirov
AzNews.az