Sabiq baş nazir partlayışda öldü

Livanın paytaxtı Beyrutda güclü partlayış baş verib. Şəhərin biznes mərkəzində, hökumət binasından bir neçə yüz metr aralıda törədilmiş partlayış nəticəsində azı 5 nəfərin öldüyü, 70-dən çox adamın da yaralandığı bildirilir.

"Reuters" agentliyinin məlumatına görə, partlayış qurbanları arasında Livanın sabiq iqtisadiyyat naziri Məhəmməd Şəttah da var. Təhlükəsizlik qüvvələrinin verdiyi ilkin məlumatlara görə, partlayışın hədəfi məhz Məhəmməd Şəttahın hərəkət etdiyi avtomobil karvanı olub. Şəttah həmçinin müxalifətin nüfuzlu simalarından biri və sabiq baş nazir Səəd Həririnin yaxın tərəfdaşı olub.

Hadisə yerinə xeyli sayda təcili tibbi yardım maşınları və polis cəlb edilib. Partlayışın törədildiyi yerdən qalxan qara tüstü şəhərin əksər bölgələrindən görünür. Terror aktına görə məsuliyyəti hələlik heç bir qruplaşma öz üzərinə götürməyib.


AzNews.az