Hələbə “çəllək“ bombaları atıldı: 40 ölü

Suriya ordusuna məxsus vertolyotlar Hələbə "çəllək" bombaları atıb. ANS PRESS-in xarici mətbuata istinadən məlumata görə, bombardman nəticəsində qadınlar və uşaqlar olmaq üzrə 40 nəfər ölüb.

Suriya müxalifətinin verdiyi məlumata görə, Hələbin Mesekin Hananu rayonuna 10-dan artıq "çəllək" bombası atılıb.

Xeyli sayda evlərin dağıldığı əməliyyatda 20 nəfərin ağır yaralandığı və onların əksəriyyətinin vəziyyətinin kritik olduğu da yayılan məlumatlar sırasındadır.

Bu arada yayılan məlumatlara görə, Suriya ordusu paytaxt Dəməşq yaxınlığına da "çəllək" bombaları atıb. Xeyli sayda dağıntının olduğu hücum nəticəsində ölən və yaralananların olduğu bildirilir.



AzNews.az