Suriyada növbəti faciə - 42 uşaq öldürüldü

Suriyada növbəti faciə yaşanıb.

Anspress-in məlumatına görə, bu ölkədə son iki gün ərzində hökumət qüvvələrinin endirdiyi aviazərbələr nəticəsində azı 42 uşaq həlak olub. Hüquq-müdafiəçilərinin məlumatına görə, ölənlərin hamısı Suriyanın şimalındakı Hələb və İdlib şəhərlərinin sakinləridir.

Paytaxt Dəməşqdə hərbi-hava qüvvələri şəhərin cənubundakı Cubar bölgəsini bombalamağa davam edir. Həmin ərazi üsyançıların nəzarəti altındadır. Hökumət qüvvələri Cubara hücumu ötən həftə başladıb.

BMT-nin hesablamalarına görə, Suriyada 3 il yarımdır davam edən vətəndaş müharibəsi 200 mindən çox insanın həyatına son qoyub.

AzNews.az