Hindistan teraktında ölənlərin sayı 56-ya çatdı

Hindistanın Assam ştatında “Bodolend” Milli Demokratik Cəbhəsinin yaraqlılarının törətdiyi 4 terakt hadisəsi zamanı ölənlərin sayı 56-ya çatıb.

AzNews.az xəbər verir ki, bu haqda məlumatı "France-Presse" agentliyi yayıb.

Sonitpur və Kokradjar əyalətlərində baş verən teraktda 80 nəfərin isə yaralandığı deyilir.
Ölənlərin əksəriyyətinin etnik qrup olan adivasilərə aid olduğu açıqlanıb. Həlak olanlar arasında qadın və uşaqların da olduğu bildirilir.

Hindistanın Baş naziri Narendra Modi çıxış edərək yaraqlıların bu teraktını "qorxaq terakt" adlandırıb.