Türkiyə daha bir övladını torpağa tapşırdı

Türkiyə Silahlı Qüvvələri ilə terror təşkilatı PKK arasında dünən baş verən atışmada şəhid olan 22 yaşlı hərbçi Müsəllim Ünalın vida mərasimi keçirilib.


AzNews.az xəbər verir ki, bu haqda məlumatı "haberler" saytı yayıb.

Adıyamanda şəhid olan Müsəllim Ünalın vida mərasimində Baş nazir Əhməd Davuoğlu, Numan Kurtulmuş və CHP nümayəndə heyətinin üzvləri iştirak edib.

Mərasimdə Türkiyə Silahlı Qüvvələrinin Baş Qərargahının rəisi, ordu generalı Necdət Özəlin başsağlığı oxunub: "Qəhrəman oğlumuza öz adımdan, Silahlı Qüvvələrin bütün heyəti adından Allahdan rəhmət, kədərli ailəsinə və yaxınlarına səbr və başsağlığı diləyirəm".

Mərasimdən sonra şəhidin cənazəsi Kayseriyə göndəriləcək.