Çaydan 52 kiloluq durna balığı tutdu

Elazığda həvəskar balıqçılar Murad çayında 52 kiloqramlıq nəhəng durna balığı tutublar.

Balıqçılar tutduqları iri durnanı sahilə çıxardıqdan sonra balıq emalı müəssisəsinə gətirərək satışa çıxarıblar. Ət şəklində satışa təqdim olunan balığın 1 kiloqramı 500 lirə qiymətləndirilir və alıcılarını gözləyir.

Balıqçı İbrahim Bal bildirib ki, balıq Murad çayından təxminən bir saat əvvəl gətirilib və çəkisi 52 kiloqramdır.

Onun sözlərinə görə, turna balığı doğranaraq ət kimi satılacaq.

İbrahim Bal əlavə edib ki, 40 ildir bu sahədə çalışır, lakin indiyədək belə iri və gözəl balıq görməyib.

AzNews.az