“Real”ın futbolçusu “Sevilya”da

22 yaşlı futbolçu ilə 5 illik müqavilə imzalanıb

İspaniyanın “Real” klubunun futbolçusu Oskar Rodriges karyerasını “Sevilya”da davam etdirəcək.

AzNews.az verir ki, bu barədə "Sevilya"nın rəsmi saytı məlumat yayıb. Avropa Liqasının son qalibi 22 yaşlı futbolçu ilə 5 illik müqavilə imzalayıb.

Bu transferə görə "Sevilya" Madrid klubuna 15 milyon avro ödəyib.

Qeyd edək ki, “Real”ın yetirməsi olan Oskar əsas komandada debüt etməyib. O, son iki mövsümü icarə əsasında “Leqanes”də keçirib.