İlham Əliyev Erkan Özoralı "Dostluq" ordeni ilə təltif edib İlham Əliyev Erkan Özoralı "Dostluq" ordeni ilə təltif edib
  • Flash
  • 10 Aprel 2021 12:01
  •  7 245

"Xalqlarımızın bir-birinə yaxınlaşması üçün çalışdım”

İlham Əliyev Erkan Özoralı "Dostluq" ordeni ilə təltif edib

“Mən burada Türkiyə ilə Azərbaycanın bir-birinə daha da yaxınlaşması üçün vəzifəmi yerinə yetirdim”.

AzNews.az xəbər verir ki, bunu Azərbaycan Respublikasının Prezidenti İlham Əliyevin aprelin 10-da keçirilən qəbulunda Türkiyə Respublikasının ölkəmizdəki fövqəladə və səlahiyyətli səfiri Erkan Özoral deyib.

“Xalqlarımızın bir-birinə yaxınlaşması üçün çalışdım. Amma bu işi görməyə imkanı təmin edən Sizlər, cənab Prezidentlərimiz bizim üçün açdığınız yol oldu. Bunları onun sayəsində edə bildik. Azərbaycanda fəaliyyət göstərdiyim müddətdə bütün qurumlardan, rəsmi şəxslərdən bütün səviyyələrdə başda Siz olmaqla hər zaman dəstək aldım. Hamınıza ayrıca təşəkkür və minnətdarlığımı bildirmək istəyirəm. Azərbaycan xalqına Sizin şəxsinizdə minnətdarlığımı çatdırmaq istəyirəm. Hər zaman qardaşlığımızı hiss etdim, getdiyim hər yerdə ona şahid oldum. İnşallah, Türkiyə ilə Azərbaycan bundan sonra daha da bir-birinə yaxın olacaq. Çünki Sizin də söylədiyiniz kimi biz birlikdə güclüyük. Çox təşəkkür edirəm, çox sağ olun”, - səfir bildirib.