Məhbus həbsxanada öldü

Azərbaycanda daha bir məhkum həbsxanada ölüb. Bu barədə APA-ya Nizami Rayon Prokurorluğundan bildirilib. Hadisə Ədliyyə Nazirliyi Penitensiar Xidmətin 1 saylı Cəzaçəkmə Müəssisəsində qeydə alınıb.

Orada cəza çəkən 40 yaşlı Bəxtiyar Səttar oğlu Heydərov xəstəlikdən dünyasını dəyişib. Məhkumun qaraciyər serozundan əziyyət çəkdiyi və hepatit virusunun daşıyıcısı olduğu bildirilir. Faktla bağlı araşdırma aparılır.

AzNews.az