- Köhnə - Hadisə
- 20 Oktyabr 2017 13:25
- 4 460
İcra məmurunun kürəkəni həbs edildi - Narkotikə görə
Suraxanı rayon Polis İdarəsinin əməkdaşları Rövşən Quliyevi narkotik maddələrdən istifadə etdiyinə görə saxlayıb.
AzNews.az AzMedia.info-ya istinadən xəbər verir ki, Rövşən Quliyev Suraxanı məhkəməsinin qərarına əsasən inzibati qaydada 1 ay müddətində həbs edilib. O məhkəmədə verdiyi ifadəsində Hövsan bələdiyyəsinin üzvü olduğunu bildirib. Məhkəmə zalında o da məlum olub ki, təqsirləndirilən şəxs Suraxanı rayon İcra Hakimiyyətinin Hövsan nümayəndəliyinin sədri Ağasəlim Əliyevin yeznəsidir.
Suraxanı rayonu Hövsan bələdiyyəsinin sədri Elbrus Xəlilov isə AzNews.az-a bildirib ki, Hövsan bələdiyyəsinin Rövşən Quliyev adında işçisi yoxdur və heç vaxt olmayıb da.
Qeyd edək ki, Rövşən Quliyev İnzibati Xətalar Məcəlləsinin 2016-cı maddəsi ilə təqsirli bilinərək,həbs edilib.
AzNews.az