Məşhur mağaza qarət olundu

Hadisə “Kontakt HOME” mağazalar şəbəkəsinin Nəsimi rayonu, Moskva prospekti,52 (“20 Yanvar” m.st. yaxınlığında) ünvanında yerlşən dükanında qeydə alınıb.

“Ölkə.Az”a hüquq-mühafizə orqanlarından verilən məlumata görə, naməlum şəxs mağazaya daxil olaraq dəyəri 3500 manat olan 2 ədəd mobil telefonu vitrindən oğurlayaraq qaçıb.

Faktı mağazanın əməkdaşlarıda təsdiq edərək bildirdilər:

“Hadisə axşam saat 21 radələrində baş verib. Naməlum şəxs telefonları vitrində elektrik naqilindən ayıraraq oğurlayıb. Naməlum şəxsin üzü mağazanın kameralarına düşüb və həmin görüntülər polisə təqdim edilib”.

Faktla bağlı Nəsimi RPİ-nin 19-cu Polis Bölməsində təhqiqat araşdırmalarına başlanılıb.

AzNews.az