Moskvada taksinin vurduğu piyadalar arasında iki azərbaycanlı da var

İyunun 16-sı Moskva şəhərində taksi sürücüsünün piyada yoluna çıxaraq yeddi nəfəri vurması nəticəsində iki nəfər Azərbaycan Respublikasının vətəndaşı xəsarət almışdır.

Azərbaycanın Rusiyadakı səfirliyindən Trend-ə verilən xəbərə əsasən, insident haqqında məlumat səfirliyə daxil olan kimi səfir Polad Bülbüloğlunun göstərişiylə soydaşlarımızın yerləşdiyi tibb müəssəsi ilə əlaqə saxlanılmışdır.

Verilən məlumata görə, xəsarət alanların vəziyyəti qənaətbəxş olduğundan onlar evə buraxılmışdırlar.

AzNews.az