Bakıda polis jurnalistləri saxladı

Kanal 13 İnternet Televiziyasının sorğu keçirən iki əməkdaşı - Qurban Məmmədli və Cavid Abdullayev həbs olunub. Bu barədə həbs olunan jurnalistlər özləri Elitar.Az saytına məlumat veriblər: "Bizi hazırda Səbayel Rayon Polis İdarəsinin 9-cu polis bölməsinə aparırlar. Şəhərin mərkəzində Ramazan Bayramı ilə bağlı Kanal 13 İnternet Televiziyasının "Qara-qura" verlişinə sorğu çəkirdik. Bu zaman polis əməkdaşları bizə yaxınlaşıb onlarla getməyimizi tələb etdilər. Biz onlara jurnalist olduğumuzu, bu barədə rəsmi sənədlərimizi təqdim etsək də buna məhəl qoymadılar".

Bir qədər sonra jurnalistlər sərbəst buraxılıblar. Polis bölməsində Cavid Abdullayevin üzərində İlqar Məmmədovun fotosu olan köynəyini alıblar və əvəzində operatora başqa bir köynək veriblər. Polislər bildiriblər ki, bir də sorğu apararkən üzərində siyasi məhbus şəkli olan köynək geyinməsinlər.

AzNews.az